رسالة مؤثرة من غزل ابنة المخرج الراحل حاتم علي

كتبت أبنة المخرج الراحل حاتم علي رسالة مؤثرة لوالدها في اليوم الأربعون من وفاته تقول فيها :

حيث قالت غزال “حيث كتبت غزال : هي الصورة من أحلى الصور إلنا. لقيتها بغرفتي بالشام وضبيتها لطلعها معي عكندا. ولا كنت متخيلة انو رح ارجع طلعها بالهوقت القصير لأنعيك.”

٤٠ يوم على غيابك. ٤٠ يوم بلا ما اسمع صوتك، او شوف مسجتك المعتادة على تلفوني كل يوم: صباح الخير بابيتو.

صباح النور يا بابا. كيفك؟

بالعادة منحكي عن تفاصيل الحياة الفارغة: الطقس، الشغل، اخبار عامة.. و منأكد لبعض دائما انو “كلو منيح و تمام”.

بس هل مرة بابا، عم اكتبلك وما في شي منيح. عم بكتبلك من عالم انت ما عدت موجود فيه. رسالة مقطوعة رح يقرأها الكتير، إلا انت.

الايام عم تمر بسرعة وكل شي عم يمشي. بس انا واقفة بالزمن بالنهار يلي رحت فيه. عقلي مو مستوعب هالواقع لسا. هالواقع البشع والقاسي. كيف بدي استوعب و لسا كان في الكتير؟ كتير اشيا مخططلها وبدك تحققها، و كتير اشيا بدي اتعلمها منك، واعرفها عنك، واحكي فيها معك..

الوقت يلي قضيتو معك كان كتير قصير و ما بكفي. الوقت بالعالم كلو ما بكفي. بس كان بدي شوية وقت اكتر.

بحبك كل يوم، وبشتقلك كل يوم، وبفكر فيك كل يوم. يا احلى أب و أجمل رفيق.

“نلتقي” بابيتو.

اقرأ ايضاً: 👈 سيف الدين سبيعي بسام كوسا يرفض الوقوف أمام كاميرتي ولهذا السبب قاطعني حاتم علي!

المخرج حاتم علي وأبنته غزل
المخرج حاتم علي وأبنته غزل

مواضيع قد تهمك